Andri er með B.Sc. gráðu í hagnýtri eðlisfræði frá Háskóla Íslands. Hann hefur starfað hjá fyrirtækinu frá árinu 2005 og hefur gengt stöðu framkvæmdastjóra frá því janúar 2011. Í gegnum störf sín hjá fyrirtækinu hefur Andri öðlast mikla og víðtæka reynslu af markaðsviðskiptum og fyrirtækjaráðgjöf. Andri hefur lokið prófi í verðbréfaviðskiptum og er viðurkenndur ráðgjafi á First North.

Einar er með cand.oecon gráðu frá Háskóla Íslands og MBA frá RSM, Erasmus University í Rotterdam. Hann hóf störf hjá Íslandsbanka 1993 og starfaði þar til loka ársins 2006, en tók þá til starfa fyrir Kaupþing. Einar starfaði hjá Kaupþingi þar til í nóvember 2009 þegar hann gekk til liðs við H.F. Verðbréf. Einar býr yfir mikilli stjórnunarreynslu á sviði fyrirtækjaráðgjafar, fjárstýringar, gjaldeyris-, afleiðu- og verðbréfaviðskipta. Hann lauk prófi í verðbréfaviðskiptum árið 2001 og er með ACI Diploma frá The Financial Markets Association. Einar hefur 6 ára reynslu af fyrirtækjaráðgjöf og vinnu við fjárhagslega endurskipulagningu fyrirtækja. Hann hefur kennt verðmat fyrirtækja í Viðskiptaháskólanum á Bifröst.

Bjarki er cand. scient. í verkfræði frá Háskóla Íslands og Dr. ing. frá NTNU í Noregi. Hann hefur gengt ýmsum stjórnunarstörfum á sviði fjármála, nýsköpunarstarfsemi og háskólastarfs, hjá SJ/Glitni, Askar Capital, Kaupþingi, Nýherja og Háskólanum í Reykjavík. Bjarki hefur umtalsverða reynslu af fjárhagslegri endurskipulagningu fyrirtækja, alþjóðlegri bankastarfsemi og viðskiptaþróun í Evrópu, Bandaríkjunum, Asíu og miðausturlöndum. Bjarki hefur þróað háskólanám í fjölmörgum greinum, m.a. fjármála- og rekstrarverkfræði, auk þess að hafa haldið fyrirlestra við háskóla innanlands sem erlendis. Bjarki hefur setið í stjórnum fjölmargra alþjóðlegra fyrirtækja, eftirlitskyldra aðila, lífeyrissjóða og rannsóknarsjóða. Bjarki hefur lokið prófi í verðbréfaviðskiptum og er viðurkenndur ráðgjafi á First North.

Einar Númi er með B.Sc. gráðu í iðnaðarverkfræði frá DTU og M.Sc. gráðu í rekstrar- og fjármálaverkfræði frá Stanford University. Hann hefur lokið prófi í verðbréfaviðskiptum og hefur umtalsverða reynslu af alþjóðlegum fjárfestingum, bankastarfsemi og gerð fjármálalíkana. Einar Númi hóf störf hjá fyrirtækjaráðgjöf H.F. Verðbréfa í júní 2011, en hann hefur fengist við í fyrirtækjaráðgjöf og fjárhagslega endurskipulagningu fyrirtækja frá árinu 2008. Auk starfa sinna hjá H.F. Verðbréfum fæst Einar Númi við kennslu í fjármálum fyrirtækja við verkfræðideild Háskólans í Reykjavík.

Elmar er með B.Sc. gráðu í iðnaðarverkfræði frá Háskóla Íslands og Danmarks Tekniske Universitet (DTU). Hann hefur lokið prófi í verðbréfaviðskiptum og vinnur nú að lokaverkefni sínu í M.S. námi í fjármálahagfræði við Háskóla Íslands. Elmar hefur víðtæka reynslu af fyrirtækjaráðgjöf og hefur starfað á því sviði frá árinu 2007. Áður en hann gekk til liðs við H.F. Verðbréf vann Elmar hjá Saga Fjárfestingarbanka. Hann hefur einnig sinnt stundakennslu í hagverkfræði við Verkfræðideild Háskóla Íslands.

Kjartan Freyr er B.Sc. í viðskiptafræði frá Viðskiptaháskólanum á Bifröst. Hann hefur víðtæka reynslu af ráðgjöf og fjármálamarkaði og hefur starfað á því sviði frá 2004. Hann starfaði hjá Endurskoðun og Ráðgjöf við uppgjör og rekstrarráðgjöf á árunum 2004 til 2007, eða allt þar til hann tók til starfa í verðbréfamiðlun SPRON Verðbréfa. Kjartan Freyr starfaði hjá SPRON Verðbréfum sem forstöðumaður miðlunar til júní 2009. Hann hóf störf hjá H.F. Verðbréfum í júlí 2009. Kjartan Freyr hefur lokið prófi í verðbréfaviðskiptum.

Daði er B.Sc. í iðnaðarverkfræði frá Háskóla Íslands og vinnur nú, meðfram störfum sínu hjá félaginu, að lokaverkefni í M.Sc. námi í fjármálahagfræði við sama skóla. Hann hóf störf hjá H.F. Verðbréfum í maí 2010. Áður en Daði gekk til liðs við H.F. Verðbréf vann hann við gjaldeyris- og afleiðuviðskipti hjá Icebank.  Daði hefur starfað við fjármál frá því árið 2007. Hann hefur lokið prófi í verðbréfaviðskiptum og hefur mikla reynslu af miðlun skulda- og hlutabréfa, auk gjaldeyris- og afleiðuviðskiptum. 

Jón Otti hóf störf hjá H.F. Verðbréfum í desember 2010. Hann er með B.Sc. gráðu í viðskiptafræði frá Flagler College í Bandaríkjunum og M.Sc. gráðu í fjármálum frá Háskólanum í Reykjavík. Jón Otti býr að 15 ára reynslu af fjármála og bankamarkaði á Íslandi. Áður en hann gekk til liðs við markaðsviðskipti H.F. Verðbréfa vann Jón Otti hjá Landsbanka Íslands við fjárstýringu, gjaldeyrisviðskipti og verðbréfamiðlun. Jón Otti hefur lokið prófi í verðbréfaviðskiptum.

Adrian hóf störf hjá H.F. Verðbréfum í desember 2011. Hann er með B.Sc. gráðu í viðskiptafræði frá Háskóla Íslands og vinnur nú, meðfram störfum sínum hjá félaginu, að M.Sc. gráðu í fjármálum við Háskólann í Reykjavík. Áður en Adrian gekk til liðs við markaðsviðskipti H.F. Verðbréfa vann hann í fjárstýringu hjá Icebank. Adrian hefur starfað við fjármál frá því árið 2007. Hann hefur mikla reynslu af gjaldeyrisviðskiptum og lausafjárstýringu.

Atli hóf störf hjá H.F. Verðbréfum í apríl 2011. Samhliða störfum sínum leggur Atli stund á nám í viðskiptafræði við Háskóla Íslands og fæst jafnframt við kennslu í fjárhagsbókhaldi við viðskiptafræðideild skólans. Atli hefur kennt námskeið í fjármálum fyrirtækja og stærðfræði.

Óskar er með B.Sc. gráðu í tölvunarfræði frá Háskóla Íslands og M.A. gráðu í heimspeki frá Johns Hopkins háskóla. Hann hóf störf hjá H.F. Verðbréfum í desember 2006. Óskar hefur áralanga reynslu af hugbúnaðarþróun og rekstri upplýsingakerfa og hefur  m.a. starfað hjá Mönnum og Músum, Tölvuþekkingu (Eastman Kodak) og HugurAx. Hann lauk prófi í verðbréfaviðskiptum vorið 2009.