H.F. Verðbréf er verðbréfafyrirtæki sem starfað hefur frá febrúar 2004 á grunni starfsleyfis frá Fjármálaeftirlitinu, sbr. lög nr. 161/2002 um fjármálafyrirtæki. Fyrirtækið var stofnað 16. desember árið 2003 og sinnir fagfjárfestum á sviði verðbréfamiðlunar og fyrirtækjaráðgjafar og er aðili að Nasdaq OMX kauphöllinni í Reykjavík. Félagið hefur einnig hlotið samþykki sem viðurkenndur ráðgjafi á First North markaðnum.
H.F. Verðbréf fylgir viðurkenndum stjórnarháttum í samræmi við leiðbeiningar Viðskiptaráðs Íslands, Samtaka atvinnulífsins og Nasdaq OMX á Íslandi. Stjórnarháttayfirlýsingu félagsins má finna hér.
Starfsleyfi
Starfsleyfi fyrirtækisins nær til eftirfarandi þjónustu (starfsheimilda) skv. 25. gr. laga um fjármálafyrirtæki:
- Móttöku og miðlunar fyrirmæla frá viðskiptavinum um einn eða fleiri fjármálagerninga og framkvæmdar fyrirmæla fyrir reikning þriðja aðila.
- Fjárfestingarráðgjafar.
- Umsjón með útboði fjármálagerninga án sölutryggingar.
Viðbótarþjónusta:
- Vörslu og stjórnunar í tengslum við einn eða fleiri fjármálagerninga fyrir reikning viðskiptavinar, þ.m.t. vörslu fjármálagerninga og tengdrar þjónustu, svo sem vegna fjármuna eða trygginga.
- Ráðgjafar til fyrirtækja um uppbyggingu eigin fjár, stefnumótun og skyld mál og ráðgjafar og þjónustu varðandi samruna fyrirtækja og kaup á þeim.
- Gjaldeyrisþjónustu ef umrædd viðskipti eru liður í fjárfestingarþjónustu.
- Fjárfestingarrannsókna og greininga eða annarra forma af almennum ráðleggingum í tengslum við viðskipti með fjármálagerninga.
heilindi. fagmennska.
Heilindi og fagmennska eru þau gildi sem H.F. Verðbréf hefur að leiðarljósi í allri starfsemi sinni.